വെരുത്തമേതുമില്ലാതെ
ഒരേ കാത്തിരുപ്പ്,
ആലോചനയുടേതാകാമത്
അന്തം വിടലിന്റെയും
കൂടെക്കൂടെ
കണ്ടവരെക്കണ്ടാലും
വേണ്ടാത്തത് വെളുക്കെക്കേട്ടാലും
ഈയിരുപ്പിനു നീളം കൂടും
നീളെക്കണ്ണെറിഞ്ഞ്
കോണ്‍ പിടിച്ച്
കലർപ്പുകളെ കാണനിഷ്ടപ്പെടാതെ
അങ്ങനെ സ്വച്ഛന്ദം ..സുഖപ്രദം
ഞാൻ
കണ്ണുമിഴിച്ചങ്ങനെയിരിക്കട്ടെ
കാണുന്നവർ നിങ്ങൾ പറ
പിരാന്തെന്ന് , അല്ല
മൂത്ത മൂച്ചി പ്പിരാന്തെന്ന്
ഓ ,,വയ്യയെനിക്കിനി
അടിയരവിന്റെ
പാശം ചുമക്കാൻ
ഈ ചങ്ങലകളെത്ര ഭേദം .!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ